瓏門冰室 (已結業)

陪同事去尖沙咀買嘢，之後揾地方食晚餐，剛好看到龍門冰室，記得以前在分店食過，食物抵食又好味，一於與同事入去開餐。鐵板美式雜扒(豬扒、雞扒、腸仔、煙肉、煎蛋)黑椒汁，跟意粉，包餐湯和飲品。餐湯是creamy的忌廉湯。鐵板雜扒熱騰騰上桌，份量十足，大大塊雞扒和豬扒煎至金黃色，肉質細嫩，更有流心太陽蛋、腸仔、煙肉好豐富，跟薯菜或飯或意粉，我選擇意粉。數款醬汁中我最喜歡香濃的黑椒汁，辣辣地好惹味！咸檸檬七喜味道咸中帶微酸，好解渴。玉子燒常餐：又是很多選擇，選了五香肉丁麵，麵質爽口，五香肉丁帶辣好好味。吞拿魚芝士，滑溜的蛋包裹著足料的吞拿魚和芝士，口感creamy又美味。奶油多香口甜美。紅豆冰，紅豆夠林又夠甜，飲落好有奶香味！叫了一些小食，蜜糖雞翼，雞翼炸至金黃色，淋左D蜜糖係面，皮脆肉嫩有甜味！薯蓉焗青口，大大隻半殼青口，上面鋪滿薯蓉和芝士焗微焦，薯蓉滑溜配青口美味可口。