泰Grill (享和街)

#鼠尾草食飲玩 #sagefoodiehk荃灣🥰 × 高質💖 × 抵食✨今次鼠尾草嚟到荃灣搵嘢食，見到呢間泰國菜餐廳喺荃灣都開咗分店😚！舖頭位於荃灣西好多嘢食嘅一帶，啱晒過嚟搵嘢食嘅朋友仔，喺附近荃灣工廠區、荃灣廣場一帶返工嘅朋友，放lunch過嚟都方便😎。而且呢度午市套餐最平$58就有，真心抵食。生牛肉船麵份量真係超級多，無論係牛肉定係麵嘅份量都多，返工嘅朋友一定會食得夠飽😋，而且湯底好香濃惹味！蟹肉炒飯都有驚喜😳，裏面明顯食到一絲絲嘅蟹肉口感，原來有原條嘅大蟹腳喺裏面，超正！配埋蛇皮果酸甜、類似波子汽水嘅清新感覺，同埋用料超有心機、超多龍眼嘅龍眼冰，夠晒滿足😻！午市套餐仲有優惠價加小食，炸蝦餅大大粒，而且炸得脆得來唔會厚粉，裏面蝦滑足料彈牙🫶🏻。椰汁糕更加抵食，加$18有咁多件，同人share都好啱🥰！另外嚟到呢度一定要嗌海鮮沙律，佢嘅酸辣醬超級好食，酸得嚟又帶啲香草香味，辣到恰到好處又吊味，推薦✨！💰 生牛肉船麵午市套餐($62)💰 蟹肉炒飯午市套餐($78)💰 蛇皮果特飲(+$15)💰 龍眼冰(+$15)💰 炸蝦餅(+$38)💰 椰汁糕(+$18)💰 泰式海鮮沙律($88)🥢