The Third Bakery (已結業)

食主菜送湯&飲品冇諗到 西營盤 有間小店抵食又好味。梗捉個朋友嚟試吓啦 @ 星期日的午餐。我哋叫了2個主食，小食&甜品。主食 鵝肝漢堡 份量好大份，麵包是甜麵包，配菜有蕃茄和洋蔥，牛肉好厚身啖啖肉汁，夾點鵝肝一齊食仲香口。薯條脆口不油身，仲配上新鮮菜沙律好清新甜得來帶點醋酸。煙鴨胸虎蝦冬陰功椰香扁意粉虎蝦爽口，辣度剛好啖啖冬陰公好味，意粉彈牙吸晒醬汁。鹹蛋脆雞翼好濃鹹蛋香脆得嚟不油，雞翼十分脆口。湯是櫻花蝦湯好濃蝦味仲有些櫻花蝦係入面。飲品叫了免費的凍美式咖啡，濃之餘酸度剛好不錯。甜品十分苦惱選邊款，最後就叫了即焗 #法式蘋果批 配雪糕，不甜，肉桂味濃配甜甜的蘋果不錯，雪糕幾滑。