大吃大喝 (已搬遷) 新店位置

每次去果欄經過見到都好想試，終於今次決定買返屋企食！同男朋友2個人叫左3款三文治share😆。厚切餐肉滑蛋三文治烘底一定要即食最正！經典組合無得輸！餐肉唔會過咸，好食！香濃沙爹牛肉滑蛋三文治平時食開咸牛肉，呢款好惹味，食開濃味既唔可以錯過😎。點左一份甜既一齊食芋泥肉鬆三文治好香芋頭味，好綿，加埋咸咸地既肉鬆出奇地夾😂。跟餐加野飲只係$7！點左皇牌奶茶，無落冰，就咁雪凍，唔會被溝淡。呢到係無堂食，外賣為主，定價好親民！P.S. 要讚佢地既包裝，完全唔會整污糟對手。