沙嗲王 (現時點)

營業中

休息中

午餐時間約左朋友仔食飯，見好耐無幫襯過沙嗲王就一於幫襯下啦！呢度真係咩款式嘅野都有得食，而且價錢大眾化。。所以約朋友食飯都真係唔錯。兩個女孩子，叫三樣野已經好足夠，而且油麻地分店地區夠大，好夠時都唔洗等位。坐得好舒服。 加15蚊換購蟹肉沙律原來午餐時段叫set lunch只需加15蚊就有一個蟹肉沙律。。開頭唸住係細細碟嘅。點知一黎到，原來都好大碟下，足夠二人份量。有蟹肉亦有蟹柳，味覺好滿足嘅一個沙律！正 白咖哩豬排飯呢樣野係每次嚟到都必定會食嘅！咖喱好香口而且唔辣。。所以同任何口味嘅朋友都可以share！豬扒炸得好香口，事先調味功夫做得好。呢個白咖喱汁真係足足可以令我食兩碗飯！ 韓式炒年糕第一次食呢一款，整體味道唔差嘅。只係略嫌年糕炒得唸左少少。。而且整碟年糕比較多油，食到最尾，碟中嘅泡菜都多油都已經食唔到了。。油麻地分店勝在地方夠大，午餐時間唔算十分多人！而且裝修都算唔錯，環境幾好。。同朋友食完飯坐低慢慢傾下計都幾舒服。而且真係好抵食，快餐嘅價錢，配合咁嘅環境絕對係超值嘅！