Table 18 Bar & Restaurant (已結業)

星期六經過APM，見到有任食沙律，就去試一試！由於冇book枱，所以要坐到餐廳出邊，即係商場嘅走廊位，環境還可以，不過有得選擇的話當然想坐餐廳裏邊，因為人哋行商場經過走廊會見到你坐喺度食嘢。雖然有一定距離，不過環境還是有點傳話嘈吵。主食-不得了！豬仔骨- 雖然佢嗰醬係鹹咗啲，不過撥開佢 對著啖啖肉咬落去，肉汁唔會煮到好乾！都幾厚肉啊！薯條係熱嘅，不過林咗小小。漢堡包🍔- 正常漢堡包味道，size偏大，食完個包到七成飽…… 沙律吧 （最少有12樣嘢食）： 有青口、凍蝦（要自己剝殼）、生菜🥗、雜錦菜、菠蘿🍍、鴨胸、南瓜蓉、扁豆、酸瓜、仲有甜品 🍰 🍮、西式鬆餅、忌廉粟米湯。叫咗一杯凍咖啡，難飲下次可以試吓凍檸茶… 最普通應該冇錯啦掛……總結：最喜歡都是沙律吧，可以食好多菜，中和返主食 肉類的油膩感覺。最平的那個餐也要$180，再加10% 即係最少都要$220一個人落樓。