今助日本料理 (已結業)

之前係沙田新城市廣場幫襯過幾次，但自從執左就有一段時間冇食過喇～～今次黎到愉景新城，本身諗住食鳥山名，但無意中見到今助，決定轉軚哈哈～～今助的定食十分豐富，一次過可以滿足想食多種日本料理的要求。壽司，烏冬，壽喜鍋，炸豬扒或魚生飯都有。今次order 完先上餐飲等了20 mins 才上菜，我覺得算等得耐，我見隔離枱都有催單，既然我地今日唔趕時間就無所謂，反正味道好才是重點！讚岐冷烏冬自選彩花魚生飯（$85）偏幼身的冷烏冬夠爽口彈牙，配合沾冷烏冬的柚子醬汁，清清地好開胃好適合夏天享用彩花魚生飯雖細，但魚生料豐富，絕對滿足，至於味道則還可以吧！牛肉烏冬鍋加壽司定食（$90）帶子，三文魚及吞拿魚壽司各二，壽司味道一般，不算太鮮美，而牛肉鍋頗大，而牛肉份量亦多，幸好有男友share 否則我一個真係食唔曬～但略嫌湯底偏咸多味精，食完超口乾。鍋物的粗烏冬我覺得一般，如果轉幼身烏冬會更好更入味，哈哈兩人午餐連加一$200 有找算抵食，但食物質素及服務效率有待提升。