魚川居 (已搬遷) 新店位置

🐠 #觀塘 #魚川居又係觀塘友揾lunch食嘅時間！今日同同事去咗京貿中心揾嘢食，呢棟唔起眼嘅大廈嘅五樓，原來隱藏住一間好受歡迎嘅餐廳：「魚川居」，呢度可以食海南雞飯、酸菜魚、水煮魚，價錢只係$60左右，抵！我同同事都揀咗酸菜魚🐠🐠 招牌酸菜魚（$62）酸菜魚可以揀配白飯/淮山麵/米線/烏冬/薯粉，辣度亦有小辣/正常/加辣揀，我同同事都揀咗小辣，同事話下次可以試辣啲呢😋 我食嘅薯粉粗粗哋，吸埋啲湯汁令透明嘅薯粉變得啡啡哋色，有啲酸菜湯味🤤 同事嘅准山麵就比較幼身，但都煙煙韌韌㗎🤩魚川居晚市仲有任食火鍋、雞煲、烤魚選擇添！6月仲有晚市限時優惠:惠顧指定套餐 4人同行，1人免費😱😱💗