牛摩+ (新港城中心(5期)) (已結業)

見到門口有宣傳，折實後低至＄66蚊，便按機取票等候。雖然已經平日下午一點七，都要等廿分鐘才到我。揀選了一碟價值＄82的牛肉（最平嗰隻）及湯底，等多一陣便安排位子，店員提醒有六十分鐘時限。好彩之前來過晚市放題，已經心中有數要攞乜嘢食/飲，所以動作純熟，心目中是少肉多菜，如果你們不想飲品咁甜，可以落半杯梳打水及半杯汽水或沙冰。牛肉比一般任食火鍋好食，不是七成肥肉的牛肉，又不是雪到硬晒的無味肉，丸類（貢丸，龍蝦丸，麻吉，芝士豆腐，墨魚丸）質素合格有餘。前後走了兩轉，已經食到幾飽，原來計時是從決定餐及湯底時計，不是有位坐才起錶，差了兩分鐘，所以無時間食甜品。