阿爺八鮮鍋 (已結業)

「阿爺八鮮鍋」主打任食靚海鮮火鍋，呢日特登同女朋友嚟試一試👫🏻。.店員首先送上燉湯同刺身。燉湯滋潤，刺身新鮮。.接住落嚟就開始食雞煲🌶，雞煲有唔少花膠，醬汁香辣得嚟又開胃。.跟住終於有我哋最期待嘅海鮮盒，有齊龍蝦、鮑魚，仲有各款時令海鮮🦐🦞🐟。值得一讚係龍蝦鮮甜又彈牙。.除咗海鮮之外，佢哋亦有唔同嘅打邊爐配料任食。.當中最有驚喜係各款手工丸類，尤其係薑汁陳皮豬肉丸，創新得嚟仲好足料👍🏻。