如果想食泰國菜，大家都不難會諗起九龍城區，今次蕃薯妹同朋友嚟試下金寶泰國菜館，佢哋都算係呢區嘅老字號😆間唔中都聽倒有朋友介紹，今年已經開業19年👍🏻
金寶嘅門面有兩個舖位，一邊係泰國菜館，另一邊係越南菜館，其實入去食飯可以Order曬兩邊嘅菜式咖😌
3
而家佢哋對疫情防禦措施都做得好足，進入餐廳時要量體溫，不足1.5米距離嘅檯與檯之間亦有膠板相隔👍🏻
點菜有QR code俾食客掃code落Order，好方便🥰 有一個驚喜位，就係每個菜式都有唔同嘅要求選項，例如我Order冬陰功湯嘅時候可以選擇「少辣」、「走芫茜」😱好貼心❤️
電子點菜好方便，Order咗啲乜同價錢都一目了然🥰
活蝦刺身 $95好大隻，又彈牙又鮮甜😋 一碟有8大隻，佢嘅泰式醬汁已經淋咗上面，辣辣地酸酸地，夾埋生蒜食好正👍🏻 由於個醬汁好好味，我地連墊底嘅生菜絲都食埋，無誇張😂
冬陰功（小）$70兩個人Order一個細嘅冬陰公份量啱啱好，呢度嘅冬陰公好正，配料多，有兩隻大蝦，而且味道好濃郁，唔會好辣，有泰國旅行時飲倒嘅風味😋
大蝦木瓜沙律 $78今日我地同啲蝦有仇🤣 大蝦木瓜沙律伴碟有炸蝦片，好香脆😋 仲有扎肉，同熟大蝦～ 醬汁一樣係酸酸地，配上木瓜絲、青瓜絲、蘿蔔絲等等，好開胃。
鹽燒則魚 $170見倒圖片好吸引，要等45分鐘都決定等😆
果然無等錯～ 上檯已經好香，揭起魚皮入面嘅魚肉熱辣辣，保留曬肉汁響入面，好嫩滑唔會好乾，香氣撲鼻。
第一次食則魚，佢嘅魚肉偏淋身，魚味偏淡，如果鐘意食魚肉質地實啲有咬感，可以選擇烏頭。
食泰國菜當然要飲吓泰式飲品，呢度有椰青、多款特色冰冰同啤酒～ 我地就揀咗平時好少飲嘅泰啤😋 而家無得去旅行，都響度懷念下去嘆泰菜嘆啤酒🍻響泰國好chill嘅時光嘛～😎
