一素食譜 (已結業)

有時食得多肉都好鍾意去食下素食😬～素食都可以好好味❤️🤤之前發現觀塘原來有間幾好食嘅素食店，上次已經幫襯過一次覺得幾好，今次試下佢個素車仔麵～😍湯底係用麵豉湯底，有好多款素材揀，今次揀咗茄子、滷水豆乾同素貢丸～🍜湯底味道幾清甜但係比較清淡果種，茄子應該拖過少少油所以食落幾香🍆～滷水豆腐滷水味夠幾好味～最鍾意係佢個素貢丸🍡，幾彈牙同埋入面好足料係啲菇同木耳咁😍～唔錯👍🏻👍🏻配埋個菠菜麵底🍜，好味又健康～😋三餸面只係$38，另外加$8加咗個黑豆紅豆蓮藕湯，冇味精好飲又有益～👍🏻😋見佢仲有好健康碟頭飯係用紅米，而且賣相好似幾吸引😍下次都要試埋先！😙