影片
更多
2018-09-10
1159 瀏覽
幾年前嚟過食晚餐，好有傳統韓國餐館feel，仲有韓國大媽幫手烤肉，呢日經過附近，就再嚟幫襯。落單後先嚟小食，泡菜，大豆芽，翠肉瓜，薯仔，小白菜，樣樣都好好味。呢度有午市套餐，但就唔包烤肉，另有全日供應嘅二人或以上烤肉套餐，比較過係抵過散叫。我吔就揀咗呢個有一款牛一款豬嘅，另包四選一嘅湯飯。不用四百蚊，仲要係份量比預期中多，真係抵食！唔知係咪已過午飯時間，主要得兩個姐姐負責哂落單，上菜，收錢，亦唔見有以前嘅韓國大媽。生肉嚟到時本來有一位姐姐幫我吔烤，話見個爐因未乾透而冒煙，之後就交畀另一位姐姐，但那另一位姐姐又愛理不理，我吔就等咗好一陣子先有人嚟再幫我吔烤肉，中間都好幾次係要自己烤自己剪，冇咗以前鐘意呢度嘅韓國風味，食得唔夠暢快。湯飯我吔揀咗豆腐湯，唔好誤會，呢度所指嘅湯飯其實係湯加白飯，而唔係類似中式浸咗飯，可能因為有唔少客人唔知會跟一碗白飯，餐廳就係全部湯後面加個飯字。整體嚟講比想像中足料。湯唔止夠紅，仲好夠味，飲到底仲有唔少辣椒，唔食得辣就唔好揀呢款喇。除咗豆腐外，原來仲有雞蛋同海鮮，兩隻蝦配少許蜆同八爪魚，超滿足。我吔就另加咗一碟泡菜豬肉餃，大大隻好足料，特別夠泡菜味，而唔會主要
落單後先嚟小食，泡菜，大豆芽，翠肉瓜，薯仔，小白菜，樣樣都好好味。
呢度有午市套餐，但就唔包烤肉，另有全日供應嘅二人或以上烤肉套餐，比較過係抵過散叫。我吔就揀咗呢個有一款牛一款豬嘅，另包四選一嘅湯飯。不用四百蚊，仲要係份量比預期中多，真係抵食！
唔知係咪已過午飯時間，主要得兩個姐姐負責哂落單，上菜，收錢，亦唔見有以前嘅韓國大媽。生肉嚟到時本來有一位姐姐幫我吔烤，話見個爐因未乾透而冒煙，之後就交畀另一位姐姐，但那另一位姐姐又愛理不理，我吔就等咗好一陣子先有人嚟再幫我吔烤肉，中間都好幾次係要自己烤自己剪，冇咗以前鐘意呢度嘅韓國風味，食得唔夠暢快。
湯飯我吔揀咗豆腐湯，唔好誤會，呢度所指嘅湯飯其實係湯加白飯，而唔係類似中式浸咗飯，可能因為有唔少客人唔知會跟一碗白飯，餐廳就係全部湯後面加個飯字。
整體嚟講比想像中足料。湯唔止夠紅，仲好夠味，飲到底仲有唔少辣椒，唔食得辣就唔好揀呢款喇。除咗豆腐外，原來仲有雞蛋同海鮮，兩隻蝦配少許蜆同八爪魚，超滿足。
我吔就另加咗一碟泡菜豬肉餃，大大隻好足料，特別夠泡菜味，而唔會主要係豬肉。因為係蒸嘅，特別要趁熱食，放耐咗餃子皮會變硬。
張貼
