影片
更多
2021-10-09
47 瀏覽
今日同媽咪去大圍買嘢，夜晚就食呢間好抵食嘅串燒＋雞煲＋火鍋放題😍三樣享受都只係＄198首先雞煲係小辣，我地兩個人所以都有半隻雞。雞煲一上枱就熱辣辣，仲有好濃嘅香料味。翻炒多幾分鐘就已經食得，每一件雞都大小適中，而且沾滿雞煲醬汁，食落口唔會太鹹太辣，但都十分惹味。店員其後俾張串燒紙我地揀串燒，試咗牛舌串、牛串、香草羊架都係好濃味，而且燒得啱啱好，有焦香同時又保留肉汁，最啱一邊飲酒一邊食肉類嘅串燒。燒蠔同扇貝外表都好靚，滿滿的蒜泥鋪滿燒蠔表面，但食落口依然有蠔同埋扇貝嘅鮮味，好好食。至於強烈推介佢地嘅雞泡魚乾，真係原塊燒好剪俾你，係一個絕佳嘅送酒小食🤤🤤跟住就係進入打邊爐環節👀估唔到最平嘅套餐都有三種唔同嘅牛肉任食，我三種都有叫，感覺上三種都係好好食，只係我感覺上牛板腱係比較瘦，而肩胛牛較多油脂位，可以根據返自己口味選擇🙈另外仲有豬梅肉同雞件都可以任食。另外都有超過三十多種火鍋配料可以任食，所以都可以食到好多好多自己鍾意嘅嘢食，食得好滿足啊！飲品櫃入面嘅凍飲好多元化，汽水、茶類、啤酒一應俱全，自己行去拎，夠哂方便，飲品溫度夠哂凍，而且注意到員工都會keep住refill，絕對炎炎夏日加上打
首先雞煲係小辣，我地兩個人所以都有半隻雞。雞煲一上枱就熱辣辣，仲有好濃嘅香料味。翻炒多幾分鐘就已經食得，每一件雞都大小適中，而且沾滿雞煲醬汁，食落口唔會太鹹太辣，但都十分惹味。
店員其後俾張串燒紙我地揀串燒，試咗牛舌串、牛串、香草羊架都係好濃味，而且燒得啱啱好，有焦香同時又保留肉汁，最啱一邊飲酒一邊食肉類嘅串燒。燒蠔同扇貝外表都好靚，滿滿的蒜泥鋪滿燒蠔表面，但食落口依然有蠔同埋扇貝嘅鮮味，好好食。至於強烈推介佢地嘅雞泡魚乾，真係原塊燒好剪俾你，係一個絕佳嘅送酒小食🤤🤤
跟住就係進入打邊爐環節👀估唔到最平嘅套餐都有三種唔同嘅牛肉任食，我三種都有叫，感覺上三種都係好好食，只係我感覺上牛板腱係比較瘦，而肩胛牛較多油脂位，可以根據返自己口味選擇🙈另外仲有豬梅肉同雞件都可以任食。另外都有超過三十多種火鍋配料可以任食，所以都可以食到好多好多自己鍾意嘅嘢食，食得好滿足啊！
飲品櫃入面嘅凍飲好多元化，汽水、茶類、啤酒一應俱全，自己行去拎，夠哂方便，飲品溫度夠哂凍，而且注意到員工都會keep住refill，絕對炎炎夏日加上打邊爐嘅解暑良品。
整體感覺食物令人十分滿足，價錢超值而且位置方便，值得三五知己聚會嘅地方。
張貼
