日日香鵝肉飯店 (淘大商場2期) (已結業)

今日食鵝，位於淘大的日日香鵝肉飯店，門口好sharp 好吸引。我哋食左開心精選二人餐，二百零蚊有成 set ，計落其實好抵。招牌鵝肉例牌鵝肉，份量都唔少。鍾意佢啲鵝肉唔太肥之餘，亦好有鵝味。滷水汁好香，鵝肉有口感，不錯！小食 - 鵝腎、豬大腸、豬耳、紅腸、豬手、豬腩肉之中可以任揀兩款。我哋揀左豬耳同鵝腎，豬耳肉嫩軟骨爽脆，而鵝腎就入味又有口感，仲有兩、三件豆卜墊底，作為兩人餐的小食嚟講，都幾大碟。原盅老火燉湯 - 蟲草花元肉竹絲雞湯燉湯味濃，而且夠多元肉好清甜。天氣忽冷忽熱，飲下蟲草花燉湯增強免疫力就啱晒套餐仲包油菜同白飯，加 $8 有冷熱飲品，柚子蜜同凍檸樂都可以，超值。二百零蚊有咁多嘢食，座位舒適，環境衛生服務又唔錯，值得再來。