泰 (銅鑼灣廣場二期) (已結業)

*此餐廳收取加一服務費。晚市二人套餐（單點$468），青木瓜沙律，好足料，包括有青木瓜、紅蘿蔔、白蘿蔔、紫椰菜、車厘茄、青瓜，蔬菜口感爽脆，底部有酸辣汁，記得攪拌均勻後才食用，食落酸辣開胃。明爐冬蔭公海鮮湯（跟餐$12），內有大蝦、青口、墨魚仔、車厘茄、番茄、芫荽、香料，兩隻大蝦肉質彈牙，味道鮮甜，湯底飲落酸中帶鮮。半隻海南雞（跟餐$0），肉質嫩滑，雞味濃郁，醬汁包括有黑醬油、泰式酸辣汁、薑蓉，配菜包括有醃紅蘿蔔、醃白蘿蔔、車厘茄、青瓜。泰式沙嗲4串（跟餐$0），可以自選豬肉串、雞肉串、牛肉串數量，豬肉串食落肉汁飽滿，雞肉串雞皮部分油脂味濃，配以沙嗲醬食用，味道甜鹹。泰式鮮蝦炒金邊粉（跟餐$28），表面鋪滿花生碎，包括有鮮蝦、雞蛋、豆腐乾、芽菜、香蔥，炒得有鑊氣，味道正宗。炭燒豬頸肉（單點$108），外圍帶有燶邊，肉質色澤粉嫩，配以醬汁食用，食落好香口。泰式炒雜菜（跟餐$0），好豐富，包括有紅蘿蔔、玉米筍、西蘭花、菜芯、椰菜，味道香辣，食落好惹味。泰式凍奶茶（跟餐$12），甜度適中，茶味濃厚，味道正宗。凍檸檬茶（跟餐$0），味道酸甜，飲落好清爽。