燈籠滷味 (登龍街) (已結業)

限聚令期間只能喺附近尋覓美味外賣，今日搵到呢間位於燈籠街嘅 - 燈籠滷味。二人套餐$168, 有超豐富嘅招牌滷味拼盤、滷肉飯、蘋果鹽酥雞, 仲包埋兩杯台式特飲，兩個人食相當飽足。招牌滷味拼盤爽口食材夠多，有豬耳朵、雞腎、木耳等，另外有甜不辣、百頁豆腐、白蘿蔔同冬粉吸盡滷汁精華，如果白蘿蔔有得加底就正！滷肉飯經典美味唔會太鹹，豬肉油脂滲入珍珠米，啖啖油香。鹽酥雞拎到返屋企仲係乾身，夠脆口，仲帶點蘋果清香。茉香奶綠帶淡淡茶香，奶味唔會太over。古早冬瓜茶清甜解暑。綜合芋圓芋圓質感軟糯, 加埋紅豆同珍珠, 一次過滿足你多個願望。