翔壽司 (已結業)

難得開始放長假，約左朋友一齊係尖沙咀既酒店staycation ，搵左附近一間壽司店，買外賣番酒店食。.♦ 十件自選壽司 ⋆ $158我同朋友每人嗌左10件自選壽司，種類非常之多，仲有好少見既壽司款式，同埋價錢都好合理，150蚊左右有10件，食落完全係超出10幾蚊一舊壽司既質素，好有驚喜。.我地今次嗌左三文魚腩、火炙三文魚腩、油甘魚、深海池魚、魴鮄、帶子、赤蝦、甜蝦壽司等等.....魚生質素新鮮，亦都好厚身，好大舊，完全唔馬虎，最值得一讚嘅係呢間舖頭嘅選擇有好多都好少見，好特別，我同朋友樣樣都好想試！下次一定會試埋堂食，可以睇住師傅新鮮整壽司，成個體驗應該仲正！