影片
更多
2017-12-12
50 瀏覽
對於元朗又新街呢一條食街， 大家一定唔會陌生。 皆因各式各樣嘅小食店開到成行成市， 住喺元朗嘅居民可謂大飽口福 。呢間為於又新街公園對面嘅 《櫻》 壽司外賣店， 喺開飯嘅時候 ， 總會排滿等待外賣壽司嘅人。 小店屬典型外賣小店嘅格局， 小小嘅櫃枱後面就係壽司師傅嘅廚房， 雖然只有兩三個企位 ，但往往平靚正嘅嘢食都係呢啲地方發現。呢間壽司外賣店就主打花款多，同平靚正。 淨係計手卷都有成差唔多五十款選擇。 價錢亦相當大眾化油14蚊至54蚊不等， 可謂豐儉由人。除咗手卷壽司之外， 仲有幾款嘅丼飯， 最啱就係買碗返屋企當飯食，碗都唔使洗，夠曬方便。【吞拿魚魚蓉拼海膽手卷】$46， 呢個價錢可以食到海膽同吞拿魚蓉簡直係相當抵， 粉嫩嘅吞拿魚蓉口感細密， 大廚將吞拿魚剁成魚蓉， 食物夠曬綿滑， 吞拿魚蓉油脂比較豐富， 一放入口已經喺舌尖上溶化。 海膽亦相當新鮮， 而且份量亦唔少，味道夠曬甘香， 可謂絕不欺場。 由於即整即食， 紫菜仍然都係脆卜卜， 壽司飯嘅味道亦調配得不錯， 總括而言，誠意可嘉。至於【鰻魚丼】$58，質素亦相當不錯。 鰻魚蓋滿飯面， 份量夠曬多， 而且鰻魚底部仲有蛋絲， 賣壽司飯一
呢間為於又新街公園對面嘅 《櫻》 壽司外賣店， 喺開飯嘅時候 ， 總會排滿等待外賣壽司嘅人。 小店屬典型外賣小店嘅格局， 小小嘅櫃枱後面就係壽司師傅嘅廚房， 雖然只有兩三個企位 ，但往往平靚正嘅嘢食都係呢啲地方發現。
呢間壽司外賣店就主打花款多，同平靚正。 淨係計手卷都有成差唔多五十款選擇。 價錢亦相當大眾化油14蚊至54蚊不等， 可謂豐儉由人。
除咗手卷壽司之外， 仲有幾款嘅丼飯， 最啱就係買碗返屋企當飯食，碗都唔使洗，夠曬方便。
【吞拿魚魚蓉拼海膽手卷】$46， 呢個價錢可以食到海膽同吞拿魚蓉簡直係相當抵， 粉嫩嘅吞拿魚蓉口感細密， 大廚將吞拿魚剁成魚蓉， 食物夠曬綿滑， 吞拿魚蓉油脂比較豐富， 一放入口已經喺舌尖上溶化。 海膽亦相當新鮮， 而且份量亦唔少，味道夠曬甘香， 可謂絕不欺場。 由於即整即食， 紫菜仍然都係脆卜卜， 壽司飯嘅味道亦調配得不錯， 總括而言，誠意可嘉。
至於【鰻魚丼】$58，質素亦相當不錯。 鰻魚蓋滿飯面， 份量夠曬多， 而且鰻魚底部仲有蛋絲， 賣壽司飯一齊食可以增加口感。 鰻魚經過炭燒， 有微微嘅燒香味， 而且亦淋有鰻魚汁，不經不覺就輕易將整碗飯吃掉。
呢間壽司外賣店誠意可嘉，價錢夠實惠，刺身又夠新鮮，分量又多， 難怪經常都排滿等候嘅人龍喇~
張貼
