影片
更多
2016-06-06
1279 瀏覽
夜晚8點零9點收工又唔想番屋企煮，叫埋個fd係油麻地食野。原先想去岩手食番上次個蔥油拉麵，點知爆晒場，出面仲有幾個人排緊，即係要起碼等半個鐘，即轉場。行行下見到聯發好似唔錯，但係又係爆場，決定買外賣上個fd屋企食。我就叫左個蠔油芥蘭(十零蚊)同豬手撈麵(~$31)，落單個時因為之前想食拉麵，仲同姐姐講左幾次要豬手拉麵-0-不過姐姐幾好人，冇發我脾氣~ ~咁等左個零字就有得拎喇，一打開wow，又幾大份啵，目測比平時一般麵店多1.5倍麵，有5粒豬手係面，因為肚餓關係，即刻撈撈d汁相，都唔記得影就夾左d麵食。醬汁幾鮮甜，小小漿口，麵質彈牙，但因為醬汁關係較難撈鬆。再咬啖豬手，我個人就比較鐘意淋身嘅質感，最好就唔洗咬就可以好輕鬆整到d骨出黎個種。我覺得聯發d豬手卥得相當好，淋身，但又未至於唔洗咬個種，味道方面，卥得好入味，正!芥蘭三個字形容，爽！脆！甜！店家好細心將芥蘭分段切左，方便夾又方便食，加埋蠔油真係無得輸。
原先想去岩手食番上次個蔥油拉麵，點知爆晒場，出面仲有幾個人排緊，即係要起碼等半個鐘，即轉場。
行行下見到聯發好似唔錯，但係又係爆場，決定買外賣上個fd屋企食。
我就叫左個蠔油芥蘭(十零蚊)同豬手撈麵(~$31)，落單個時因為之前想食拉麵，仲同姐姐講左幾次要豬手拉麵-0-不過姐姐幾好人，冇發我脾氣~ ~
咁等左個零字就有得拎喇，一打開wow，又幾大份啵，目測比平時一般麵店多1.5倍麵，有5粒豬手係面，因為肚餓關係，即刻撈撈d汁相，都唔記得影就夾左d麵食。
醬汁幾鮮甜，小小漿口，麵質彈牙，但因為醬汁關係較難撈鬆。
再咬啖豬手，我個人就比較鐘意淋身嘅質感，最好就唔洗咬就可以好輕鬆整到d骨出黎個種。
我覺得聯發d豬手卥得相當好，淋身，但又未至於唔洗咬個種，味道方面，卥得好入味，正!
芥蘭三個字形容，爽！脆！甜！店家好細心將芥蘭分段切左，方便夾又方便食，加埋蠔油真係無得輸。
張貼