天泰泰式海南雞外賣專門店 (已結業)

例牌海南雞飯、豬頸肉飯食厭咗，今次就點左泰式青木瓜沙律、香葉肉碎煎蛋飯、手撕雞飯配例湯（冬瓜雞腳）。泰式青木瓜沙律有點辣，味道好清新，木瓜新鮮香脆食落酸酸甜甜，又帶點青檸味。其他配料有蘿蔔絲、花生、蕃茄一樣好入味。不過花生有部分燒焦左係黑色。作為前菜呢個沙律好開胃。手撕雞飯，一打開有陣香香嘅麻油味。手撕雞食落煙韌有口感。咸度適中，點埋佢配嘅豉油同甜辣醬更加惹味又開胃。配埋青瓜簡直係好健康嘅一個套餐。又有肉又有菜配好香既薑黃飯。必食之選。食咗咁多次手撕雞飯每次都keep住水準。香葉肉碎煎蛋飯，粒蛋煎到好香，香葉份量有點小，肉碎夠曬濃味多汁，同出面泰國餐廳食嘅不同，如果炒乾身少少再有啲辣椒味會好啲，餐單寫住呢味餸有兩隻辣椒🌶🌶咁辣，但係一點辣味都食不到。青木瓜沙律的辣度🌶🌶就食得出。另外豆角都沒爆香，整體而言似炆肉碎飯。對比其他菜式，香葉肉碎煎蛋飯有點失色。由於本人覺得隨餐附送嘅青檸水偏酸不好飲，相對地會點返例湯，好飲又足料，每碗都有一隻雞腳同一舊厚冬瓜。飲落甜甜地幾好飲，舊冬瓜都好新鮮所以我都會食埋。