鍋呵呵 (已結業)

深水埗係一個我好小好小會嚟嘅地方。不過男朋友要嚟做啲野，咁我就等埋佢一齊食飯，嘻嘻！正所謂人生路不熟，就上網搵下有咩好野食～鍋呵呵近期上過榜，唔知有啲咩咁吸引呢＠＠鋪頭好旺場，我哋等左差唔多半個鐘先至有位。等緊嘅期間就見到有好抵飲嘅＄10有3支細藍妹，仲有免費嘅竹䉀茅根同酸梅湯，非常之抵。一坐低就睇下食咩先，見到有個二人餐好似好多嘢食，咁就諗都唔諗叫呢個餐啦。套餐包括左椰子雞或者雞煲，因為男朋友鍾意食雞煲，所以就揀咗雞煲喇。個雞煲我哋就揀咗小辣，一上台香噴噴店員叫我地自己搞均下佢，跟住就可以食啦。雞煲份量都唔少，味道幾香口，雞件夠晒入味有夠滑。呢個套餐好豐富架，包括左帶子、黑豚肉、海蝦、潮州四寶丸、肥牛、珊瑚蚌、花膠、鯇魚片、象拔蚌仔、仲有各式各樣嘅蔬菜添。我哋食完個雞煲，就叫店員幫我地換咗因為清湯黎打邊爐。最鍾意食係潮州四寶丸，有別於一般嘅丸，呢度嘅四寶丸每款都非常之有特色，由鋪頭係汕頭拎貨咖。最中意牛丸，一咬肉汁四濺，好正！海鮮來講，我最鍾意嘅就係象拔蚌仔。象拔蚌仔夠晒厚肉又大隻，咬落彈牙而且味道新鮮鮮甜！海蝦都好啖啖肉同彈牙，殼又易剝，證明新鮮。見到藍妹咁平，我哋梗係唔執輸啦！總