大滿喜日本料理 (已結業)

朋友食過話d 野食質素幾好，於是今日同朋友一齊黎試下，內裡環境裝修都唔錯，好在我地食得早，再遲些少己經見到好多人等位。入場梗係急不及待睇有咩食啦，出面自助吧都幾多野食，有野飲，幾款壽司，小食，冷盤，中湯，甜品。每次食放題當然第一件事就叫刺身，勁多款選擇，賣相好靚，魚刺身肥大肉厚不在話下，牡丹蝦都好新鮮爽口，一個人已經食左六七隻啦。點了個"雪花牛肉鍋", 牛肉滑溜而且牛肉味濃，其次粉絲彈牙,菜也很淋,豆腐也很滑，仲索晒牛肉精華汁添。天婦羅同燒物係唔錯，夠熱而保留到汁，油不多唔會覺得膩。炸物好食，個人最喜歡芝麻雞翼，不停再追加。串燒都頗有質素，尤其牛舌同埋燒菠蘿，叫左幾轉先夠喉。飲品櫃好多選擇，有汽水又有無糖茶，甜品有各款奶凍，亦都有唔同口味既雪糕雪條😋最後當然唔少得甜品任食，種類都好豐富，食左幾支雪條然後飽住離開了。因為今次早入座，7點前離座都係每人$200真係非常抵食。