鳴橋燒肉料理 (已結業)

好友相聚，想一起大快朵頤，當然離不開放題。今天與友人去九龍區食飯，旺角油麻地都好多放題餐廳，之前聽另一個朋友介紹過油麻地呢間有燒肉，有刺身，唔洗考慮，一於試下。店內裝修簡約，地方都尚算整潔，$178 任飲任食，都算好平。食物款式多，我地加多$40升級，因為有特大帆立貝同牛肋肉，好吸引。首先友人好快手地點了個刺身併盤，好鮮甜，完全冇雪味，馬刀貝爽口，三文魚肥美，帶子都好鮮甜。之後點了個牛肉豬肉併盤，我地主打點佢地嘅推介，牛肋肉，真係好好食，肉汁好多，而且肥瘦適中，另外不得不提豬背肋，爽口，有少少似豬頸肉，但比豬頸肉更加有豬肉香味，燒完之後又唔會好肥膩，仲陣陣肉香味。另外叫咗虎蝦，燒完好香，好爽，唔會啲肉淋晒，新鮮，青口同帆立貝佢地加咗大量蒜蓉，食落更加香口。仲有，佢地嘅天婦羅，真係好食，薄炸粉，唔會食到成口炸粉，地瓜南瓜都好甜。鮮肉及刺身新鮮，炸物做得好食嘅放題，真心抵讚。