一福 (已結業)

岀開深水埗，發現開咗間新嘅日本嘢，之前都唔多覺。反正夠鐘開飯，一於入去試吓。望住個menu ，即刻選擇困難症發作。好彩有個店員主動走埋嚟介紹，佢話有個廚師推介(阿媽家姐)嘅丼可以試吓，咩都有，二話不說就落單。嚟到真係嚇一跳，平時食開啲雜錦魚生飯係碎濕濕，但係佢嗰款係一塊塊大塊舖滿喺飯面。唔單止魚生刺身，個丼上面仲另外有海膽，魚子，蟹膏，明太子，豐富到嚇死你。刺身食落都好新鮮，更加食唔到冰凍嘅雪櫃味，海膽鮮甜唔苦。除咗個丼，個面豉湯都係重點。佢嘅面豉湯清清哋，唔會好鹹，有面豉同蔥嘅香味，非常好飲。喺深水埗食到咁樣質素嘅日本丼，價錢合理貼地，下次嚟一定要再食。