巴巴串 (已結業)

餐廳好近觀塘地鐵站，交通方便。夜晚有三款套餐，主要分別是可選擇的肉類，C餐極豐富，會有埋黑毛和牛、羊架、松葉蟹腳等。我們選了B餐- 美國安格斯牛放題套餐。有大量安格斯牛肉，包括安格斯牛板腱、牛仔骨、牛粒等， 仲有封門柳、無激素豬腩肉、雞泡魚乾同埋鮮甜扇貝，全都新鮮又大件，食落啖啖肉真係大滿足。自助區提供二十多款串燒，任揀任燒，肉類同蔬菜應有盡有。個人最推薦雞翼、秋刀魚同棉花糖，燒到焦香四溢，特別有戶外BBQ嘅感覺。除咗自助區，仲可以即叫即制多款小食燒物，例如椒鹽燒賣、炸薯條、炸餃子、鹽燒海蝦、燒牛仔骨同羊肉串等，每款都香脆惹味。等緊燒物嘅期間，可以去自助區試吓其他美食，前菜、小食、甜品種類多，質素高，特別推薦爆汁煎餅。最後記得食埋甜品或者雪糕，有大量店家自制甜品，同埋各種唔同類型雪糕，一定岩你心意。「巴巴串」絕對值得一試，呢度環境寬敞舒適，適合多人聚會，性價比高，味道好，係觀塘室內燒烤熱點！如果咁岩想慶祝生日，壽星免費，仲有香檳同生日蛋糕送(5人或以上)，真係好抵！