友利冰室 x 勿當奴 (D2 Place TWO) (已結業)

去荔枝角附近幫小朋友攞校服，再次幫襯燒味出名嘅友利。下午茶時間，睇餐牌價錢唔貴，選擇都有幾款，有意粉、叉燒、咖喱、魚柳包，最後揀咗叉燒和魚柳包。迷你叉燒飯：雖然叫迷你，但一點都唔迷你，未食午餐都絕對夠飽。友利出名食燒味，叉燒絕對正，燒得香口美味，又夠淋。魚柳包餐：有魚柳包、薯條、飲品，價錢拍得上連鎖快餐店嘅價錢，但質量好好多，原塊魚柳加完整嘅芝士，而且即制，美味。飲品：自己喺咖啡機沖的咖啡，同埋加$8自家檸檬伯爵茶。檸檬茶甜度適中，飲落有檸檬葉香味。