富園冰室

營業中

休息中

Wego Mall受地理位置影響，所以成個商場都冷冷清清，唯獨商場入面嘅富園冰室長期多人，午飯時間仲要排隊，原因都係呢到嘢食幾有水準，而且門外有位停車，望實就唔驚抄牌啦。今日嚟到已經2點幾，有下午茶，叫咗泰式金邊粉$40加凍檸茶（$3）。雖然係下午茶但份量都唔少，男士都夠食。金邊粉配上豆乾、韮菜、芽菜、蛋絲、蝦仁做配料，都幾有誠意唔會太單調。味道酸酸甜甜跟足泰式風味，又有少少魚露香味。可惜無泰式辣椒粉去配，唔係就真係perfect！檸檬茶有水準，夠茶味檸檬亦新鮮。我叫少甜有做到，我俾85分！