鐵牛台灣牛肉麵 (希爾頓大廈)

營業中

休息中

尖東呢邊嘅平價下午茶選擇唔多，呢間鐵牛可以話係抵食又好味！$36有有一碗麵/飯、三款小食同野飲，咁嘅價錢可以食到咁多野，真係好抵。小食我選左逢甲鹽酥雞、涼拌小黃瓜同夜市香腸，主食要左麻醬乾麵，野飲就叫左杯熱台灣奶茶。逢甲鹽酥雞炸得幾好食，d雞肉好嫩滑。涼拌小黃瓜酸酸地，不過不失。夜市香腸烤得幾香，味道幾好食！個麻醬乾麵淨係撈麻醬食會有d膩，配搭嘅青瓜絲就可以中和返，口感會清新少少。台灣奶茶就幾滑，好重奶味，好好飲！