101肉燥飯專門店 (河傍街) (已結業)

星期六去食下午茶，平時見101好多人外賣珍珠奶茶黎飲，一直都想試試佢既下午茶，出面見到餐牌都唔貴，都係20幾蚊。嗌左一個二串一下午茶（$26），醬汁豬扒拼一口西多士。豬排（4/5）好大塊，大過手掌，估唔到佢咁大塊！ 味道都好好，好juice，而且岩岩煎好，仲脆脆地。一口西多士（4/5）有6件，都幾大舊，要兩口先食哂一舊😂牛油係放埋一邊，岩哂我呢啲唔中意食太多牛油既人，最中意西多點練奶，真係幾好味。份量好足，食完好飽！餐飲係凍珍珠奶茶（2/5），呢個就嘛嘛地，太甜，而且珍珠好硬，出面既珍珠奶茶會好似啲！總括而言，一個下午茶餐26蚊有咁多野食，都係抵食既！