湘川滬 (已結業)

帶大小公子到金魚街遊覽, 順便可泊車响新世紀, 於是揀咗呢度飲茶, 出發前已到開飯check過呢度下午茶抵食, 所以較好時間兩點半到, 點知仲有好多人等位, 犀利! 結果等咗成大半個鐘! 店內裝修好有地道四川江南風格, 有位坐抵後, 即時點菜, 因小公子已經餓到不得了! 好多上海餸都做半價, 廿零蚊碟, 其他廣東點心特點都係＋四蚊, 真係好抵! 雞絲粉皮 - D粉皮太大片, 好似冇切過咁, 不過又幾好味喎! 乾燒四季豆 - 炒得好靚, 好乾身, 但可惜淡味! 小籠包 - 都有水準, 內有熱湯, 好味! 豆沙高力 - 連同所有點心一齊上, 凍咗味道麻麻. 鍋貼 - 細隻咗d, 應該係長形, 但呢度係圓形, 似灣仔碼頭多d. 其餘嘅义燒酥, 蝦餃, 蒸排骨, 流沙奶黃包...等, 味道ok, 但在响上海鋪食廣東點心就點都會爭d架啦!連茶錢埋單$170, 好似都唔係好平, 幸好我問經理攞單蓋泊車, 慳番兩個鐘, 計起都有SO!