肯德基家鄉雞 (KFC)

今日晏左放lunch，仲好啦可以去食下午茶。我去咗附近間KFC ,揀咗S1下午茶餐，真心抵食。
S1餐，蘑菇飯，香烤蜂蜜雞翼一隻，葡撻一件，汽水！咁多嘢食加埋先至＄24。我仲要係會員有儲開分，用咗100積分換咗巴辣雞粒，只係＄24就食到個晏，真係抵到呢！
講下個蘑菇飯先,今日個汁好好味，蘑菇都幾多！個飯就硬咗少少但係可以接受。
葡撻正常，個蜜糖雞翼就係我嘅最愛。次次去KFC都一定叫，散叫要11蚊一隻！免費嘅巴辣雞粒都好香脆夠熱！
想讚一讚呢度有一個洗手機，食完雞可以洗返乾淨隻手真係冇得彈！

1