樂糖 (已結業)

見將軍澳有手作市集, 所以黎行街之餘食吓野, 見到有個Tea Set 試吓, 睇餐牌估唔到星期一至五Tea set做到8:00pm ,好抵呀！叫了個Tea set $108, 有兩個主菜，先上胡麻醬沙律，夏威夷Pizza , 比想像中大個，面既材料都多有辣肉腸，芝士，都有成六件。再黎個卡邦尼意粉，好有忌廉香甜味，配上火腿絲，意粉軟硬適中，以為tea set 份量迷你，點知都大份喎。之後當然要食甜品，呢度賣點之一「樂糖脆多士」$69，叫了菠蘿, 雲喱拿雪糕，遠處見到已好震撼，要讓路果隻，好大塊金黃色脆多士，沾滿蜜糖，咬落甜到入心，頂層有一大片新鮮燒菠蘿及中層有呍呢嗱雪糕同厚忌廉，超sweet ，食完超飽肚呀！還有兩杯餐飲，叫了檸蜜同咖啡，好大杯呀！