影片
更多
2019-11-09
69 瀏覽
今日尖沙咀行街，去到堪富利士道有派傳單姐姐介紹樓上江浙滬有抵食午餐，見佢咁落力推銷就即管試吓。餐廳裝潢好似古代客棧咁，幾有特色。套餐包一款點心或小食，送豆漿。叫咗嫩雞煨麵+白糖桂花糕+豆漿$58。好記得多年前去某上海菜連鎖店食嫩雞煨麵，得四粒雞粒。呢度就好大碗之餘仲超多雞粒，每粒都嫩滑，抵食又好食過連鎖店不知幾多。桂花糕新鮮蒸出嚟，熱辣辣、軟棉棉，甜蜜蜜中散發淡淡桂花味。之後就叫其他嘢食：【蟹粉小籠包$58】上面加咗小小蛋黃，皮薄、湯多餡多，湯嘅蟹粉味重，真材實料。【翡翠魚米羹$38/位】有蛋花、豆腐、魚肉，味道鮮美。【大閘蟹$88】大約四両多啲，都幾多蟹膏。【魚湯豆苗$88】都幾大碟，豆苗鮮爽、魚湯味濃。【薑茶湯丸$28】近排天氣轉涼，薑茶暖吓身就啱晒。湯丸大大粒，芝麻餡足。
餐廳裝潢好似古代客棧咁，幾有特色。
套餐包一款點心或小食，送豆漿。叫咗嫩雞煨麵+白糖桂花糕+豆漿$58。
好記得多年前去某上海菜連鎖店食嫩雞煨麵，得四粒雞粒。呢度就好大碗之餘仲超多雞粒，每粒都嫩滑，抵食又好食過連鎖店不知幾多。
桂花糕新鮮蒸出嚟，熱辣辣、軟棉棉，甜蜜蜜中散發淡淡桂花味。
之後就叫其他嘢食：
【蟹粉小籠包$58】上面加咗小小蛋黃，皮薄、湯多餡多，湯嘅蟹粉味重，真材實料。
【翡翠魚米羹$38/位】有蛋花、豆腐、魚肉，味道鮮美。
【大閘蟹$88】大約四両多啲，都幾多蟹膏。
【魚湯豆苗$88】都幾大碟，豆苗鮮爽、魚湯味濃。
【薑茶湯丸$28】近排天氣轉涼，薑茶暖吓身就啱晒。湯丸大大粒，芝麻餡足。
張貼
