牛繁一人燒肉 (朗晴坊)

營業中

休息中

百幾蚊食到燒肉，適合人少少但又想解下去食燒肉的引🤔平日七點左右去到，入面已經坐左八成人，每枱限坐90分鐘，所以流轉都快，在我地食緊期間，雖然間中有人等下位，但都好快有位。餐廳環境光猛闊落，每個位坐落都幾舒服，而且冷氣風好夠，唔會食到好大陣味。可以選的餐都好多種類，我地中意食牛又怕餓，就叫左一個A2一個A10。A2有牛胸花、肩胛片仲有簿切牛舌，我地叫大份量250g，就$155。另外A10，有牛有豬有雞，我地叫大份$350，價錢先$165，好抵食。調味方面我地揀左秘製燒汁，係濃濃的醬汁味，如果中意食淡味d，可以選鹽或者胡椒味。總體來講，以呢個價錢來講，係幾抵食。