爆爆鍋 (已結業)

這間台式火鍋店位於銅鑼灣廣場一期, 一人一鍋, 可自由自在係自助區隨意添加醬料和新鮮蔬菜。揀咗台灣爆炒石頭火鍋湯底, 唔使加錢, 清清地打邊爐相當適合, 店員即場為食客開鍋。套餐可以特價加配小食和飲品, 相當抵食。美國特級翼板肉套餐翼板肉厚度均勻, 肉味濃厚有嚼口, 不肥不膩。安格斯牛小排套餐肉質柔軟香甜, 肥瘦分明, 雲石般嘅紋理, 嫩滑可口。套餐配菜有多款, 豆腐, 蜆, 芋頭, 蛋餃, 響鈴, 蟹柳, 唐生菜, 蕃茄, 雞髀菇和冬菇等, 口感好豐富。加配了幾款小食, 鹽香四季豆清爽鹹香, 夜市炸魷魚香口有嚼勁。鳳梨涼伴章魚甜甜地, 章魚粒夠爽脆。鹵水牛筋鹵水味較清淡, 牛筋煙韌有嚼口, 可以放到火鍋湯再灼軟, 膠質口感更豐富。食完火鍋, 還可享用冰凍雪條, 夠曬滿足。