榮記雲吞麵 (天悅廣場) (已結業)

今日早左收工要入去筲箕灣搵個朋友交收d野，咁早左半個鐘就去醫下個肚先。見到有間榮記雲吞麵都幾多客人同埋價錢好抵，於是就入去幫襯啦。點左碗招牌雲吞麵，25蚊，唔洗一陣就有啦！5粒大雲吞再加上好多生菜底，賣相非常好，咁就開始食啦！麵質好彈牙，爽口有口感，而雲吞又非常足料，有蝦有豬肉，大大粒，湯底黎講就淡左少少，但係就都係夠味道，最後就快快手食完讓返個位俾其他客人啦！因為疫情關係都唔係好夠位，有機會會再幫襯。