吉列牛忌廉烏冬專門店 (百樂中心) (已結業)

百樂中心美食如雲，今次就同朋友揀咗間韓國過江龍食，比佢嘅燒肉同忌廉烏冬呢啲邪惡美食吸引咗哈哈美式頂級牛里脊配大啡菇$178-賣相吸引，牛里脊肉質嫩腍，本身已經煎熟咗少少，顧客可放係鐵板再燒以調節熟度，一放上去就聽到滋滋聲真係流曬口水。大啡菇配搭芝士再燒熱下食冇得輸咸蛋薯條$38-食落熱辣辣，好香脆，本身有咸蛋嘅咸香味，點埋個黑松露醬倍感滋味咖哩忌廉烏冬(牛)$78-遞上嚟白雪雪一定要打卡啦～咖哩係甜咖哩好香，同忌廉夾埋令烏冬食落滑嘟嘟，不知不覺就好快食完餐廳另外出名吉列牛，牛里脊都咁好食，下次再嚟試下先！