碼頭故事 (已結業)

天氣涼涼地約左朋友去打邊爐呀！仲要係四川麻辣火鍋，辣到我標晒眼淚😭。我都係跟小朋友食蕃茄湯底把啦☺️牛油鴛鴦鍋 一紅一橙，紅色嗰邊激多辣椒 ，橙色嗰邊蕃茄清甜開胃。我地叫左好多野食，連張枱都唔夠位擺🤣推介大家食麻辣牛肉，預先將牛肉塗滿麻辣醬料，牛肉入晒味，再放落麻辣湯底雙重辣度！安格斯肥牛肉質嫩滑，拖一拖水就食得。無論配蕃茄味定麻辣味都非常夾。鮑魚新鮮上枱，肉質彈牙。想嘆下湯底，一定要叫脆炸響鈴、養生豆花，呢兩樣食物都好吸湯底，仲辣到我飛起！日本烏冬好食到叫左3轉，小朋友食到索索聲。其他配菜都好新鮮，即叫即上。例如、蝦滑、正大午餐肉、香菇貢丸、日本蟹籽丸、鮮鴨血等等，每樣份量都唔小。