燒肉 DON DON

營業中

休息中

越嚟越多燒肉店開幕，而且仲係一人燒肉添。旺角又有新開一人燒肉店，新張優惠100g牛五花套餐只收$48，Lunch 時間經過就吸引咗入去試吓新嘢。入去安排坐好就可以手機落單，直接點咗100g牛五花套餐，前菜可以揀沙律或者泡菜，我加多$12將白飯Upgrade做紫菜溫泉蛋飯。成個套餐有飯、前菜、湯、同埋你點嘅肉。100g牛五花大約有6-7片肉。旁邊就有五款醬料可以俾你揀你點肉。我個人就鍾意蘿蔔蓉牛扒汁、同埋胡麻醬。牛肉燒好點嚟食，或者落啲燒肉汁落碗飯度撈勻一齊食。出面有免費檸檬水可以俾你飲。今餐都係食咗$60，冇投訴啦。