影片
更多
2017-09-14
1066 瀏覽
啱啱係澳門Hea左兩日，係信德落船去咗美心皇宮酒樓食晚飯才回家。我哋一行六人，剛好有個匯豐簽帳優惠套餐好抵食，所以就決定order。呢個六人套餐＄1000都有找，連埋甜品共有九樣食品之多，每碟的份量超乎6人的胃口，多至八人食亦冇問題，價錢還包左6位茶錢和加一服務費，送橙汁一酌或大啤酒一支！片皮鴨原隻起肉，份量很多，每人起碼可包三四片，唯獨是包皮只有約十片，其他鴨肉只好淨食。皮脆，肉質嫩滑。小炒皇用料豐富，有腰果、韭菜花、蝦乾、魚肉等，炒得好夠鑊氣，亦好惹味。燉湯有好香濃的杏仁味，因為有響螺、土雞、雞腳和豬骨來燉，十分鮮甜可口，而且飲得出係沒有添加味精。盤龍豉汁蒸鱔賣相好吸引，好惹味，但肉汁好淋，我們以為條鱔唔新鮮，後來經了解後才知酒樓用了來自中國的鱔，所以肉質偏淋，而我們平常食的是來自台灣，肉質比較彈牙。黃金香芋丸其實就係炸芋頭丸，足足有九粒之多。芋頭丸裏沒有其他，只有芋頭！沒有太大的感覺，因為之前食的餸實在太飽，大家共只吃了兩三粒，其他打包回家。原只鮑魚扣花菇幾有睇頭，鮑魚比想像中大隻，花菇亦好口厚肉，可惜生菜比較少。蟲草花浸菜苗係呢個套餐最清的一道菜，蟲草花雖然唔算係好貴的材料，但
呢個六人套餐＄1000都有找，連埋甜品共有九樣食品之多，每碟的份量超乎6人的胃口，多至八人食亦冇問題，價錢還包左6位茶錢和加一服務費，送橙汁一酌或大啤酒一支！
片皮鴨原隻起肉，份量很多，每人起碼可包三四片，唯獨是包皮只有約十片，其他鴨肉只好淨食。皮脆，肉質嫩滑。
小炒皇用料豐富，有腰果、韭菜花、蝦乾、魚肉等，炒得好夠鑊氣，亦好惹味。
燉湯有好香濃的杏仁味，因為有響螺、土雞、雞腳和豬骨來燉，十分鮮甜可口，而且飲得出係沒有添加味精。
盤龍豉汁蒸鱔賣相好吸引，好惹味，但肉汁好淋，我們以為條鱔唔新鮮，後來經了解後才知酒樓用了來自中國的鱔，所以肉質偏淋，而我們平常食的是來自台灣，肉質比較彈牙。
黃金香芋丸其實就係炸芋頭丸，足足有九粒之多。芋頭丸裏沒有其他，只有芋頭！沒有太大的感覺，因為之前食的餸實在太飽，大家共只吃了兩三粒，其他打包回家。
原只鮑魚扣花菇幾有睇頭，鮑魚比想像中大隻，花菇亦好口厚肉，可惜生菜比較少。
蟲草花浸菜苗係呢個套餐最清的一道菜，蟲草花雖然唔算係好貴的材料，但放在菜苗一起，即時令這道菜矜貴不少。
北京填鴨片皮之後剩返D鴨肉和殼就用嚟炒苦瓜，做成呢道小菜，味道濃郁，苦瓜甘甜爽口，但可惜的是苦瓜片太少！
最後就係一道甜品，紅棗糕。紅棗糕剛剛蒸完端出，棗香四溢，熱騰騰，煙煙靭靱，清甜可口，不禁食多一件。基本上呢間食肆的味道是有一定的保證的，加上有信用卡和平日的優惠，感覺非常之抵食。建議六人餐可以八人去食，那就抵上加底了！！！
張貼
