Cocolo Tokyo Cake Factory (朗豪坊) (已結業)

朗豪坊底層好多蛋糕類既鋪頭，大部分都係大型連鎖。今次想食間新既試下，一開始係比佢D批吸引到! 因為唔係好多地方有甘栗批! 同埋呢到有樣好就係可以係到坐底慢慢食，有好多都係淨係外賣，係街拎住食又唔太方便咁，仲要有得叉電架呢到。所以叫左件甘栗批黎試下，栗子味好重，同埋好甜! D酥皮就好脆，重牛油香，中間仲有粒粒栗子! 食完個批再叫多左間三層抹茶蛋糕，佢係一習層CREAM一層蛋糕，隔住隔住咁~ 所以唔會因為太多CREAM而覺得好膩。呢到既蒙布朗賣相都好吸引! 不過個陣已經好飽，唯有下次再食啦!