影片
更多
2020-02-27
241 瀏覽
而家推行黃色經濟圈，我都一定要身體力行支持良心小店，今次黎左旺角呢間文青小店，一開始係比佢嘅文青風格吸引我地去食，但最吸引嘅可以話佢支持學生，出街食飯都係要洗錢，無理由唔幫襯一間良心小店呢~入到去會見到放左好多乾花、書、復古擺設等，簡簡單單影下相，我都覺得自己變一個偽文青我地點左兩款燉飯，分別係：川味剁椒牛肉燉飯同龍蝦干貝羅勒堅果燉飯，唔知味道會係點架呢?川味剁椒牛肉燉飯燉飯比人嘅感覺係一啲西式野，但佢就將川式風味融入西式燉飯，佢地兩個無打交之餘，味道仲非常之夾。食之前搞開雞蛋，撈埋蛋汁一齊食，口感更加滑溜，入口帶有微微麻香味，牛肉燉得好軟腍，份量都有唔少架，果然真材實料。龍蝦干貝羅勒堅果燉飯兩大舊龍蝦肉加埋大大粒干貝真係夠哂和味，飯上面加上蕃茄蓉同炸藜麥更加口感，食之前同樣撈起哂蛋、蕃茄蓉同炸藜麥，個人第一次食炸藜麥估唔到咁有驚喜，大變身成脆卜卜無左啲軟滑嘅感覺，同燉飯濕潤嘅口感好夾。龍蝦肉大大舊好滿足，食落好彈牙又鮮甜，唔會係平價貨，加埋微煎過嘅干貝，keep住鮮甜同埋好嫩滑，呢個價錢可以食到呢個質素真係幾值。呢到仲有好多款特飲，我地揀左好耐就決定左飲呢兩杯蜜香洛神花茶燉飯比人感覺
入到去會見到放左好多乾花、書、復古擺設等，簡簡單單影下相，我都覺得自己變一個偽文青
我地點左兩款燉飯，分別係：川味剁椒牛肉燉飯同龍蝦干貝羅勒堅果燉飯，唔知味道會係點架呢?
川味剁椒牛肉燉飯
燉飯比人嘅感覺係一啲西式野，但佢就將川式風味融入西式燉飯，佢地兩個無打交之餘，味道仲非常之夾。食之前搞開雞蛋，撈埋蛋汁一齊食，口感更加滑溜，入口帶有微微麻香味，牛肉燉得好軟腍，份量都有唔少架，果然真材實料。
龍蝦干貝羅勒堅果燉飯
兩大舊龍蝦肉加埋大大粒干貝真係夠哂和味，飯上面加上蕃茄蓉同炸藜麥更加口感，食之前同樣撈起哂蛋、蕃茄蓉同炸藜麥，個人第一次食炸藜麥估唔到咁有驚喜，大變身成脆卜卜無左啲軟滑嘅感覺，同燉飯濕潤嘅口感好夾。
龍蝦肉大大舊好滿足，食落好彈牙又鮮甜，唔會係平價貨，加埋微煎過嘅干貝，keep住鮮甜同埋好嫩滑，呢個價錢可以食到呢個質素真係幾值。
呢到仲有好多款特飲，我地揀左好耐就決定左飲呢兩杯
蜜香洛神花茶
燉飯比人感覺會好滯，所以我就揀左一壺蜜香洛神花茶，酸酸甜甜，好開胃，又可以扮下文青照下相。
百利甜酒朱古力
好濃郁朱古力味，帶有少少甜酒香，入口甘香帶甜，口感滑溜，而家天氣凍凍地，可以暖下胃。
蟹肉蝦蝦可樂餅
炸成金黃香脆，入面包左滿滿嘅蝦肉同蟹肉，好紮實，仲配上沙律同西柚粒清新一下。
加+58就有兩杯每日昔昔，今日就係玫瑰朱古力奶昔，上面加左玫瑰花瓣同粟米片，奶昔上加入cream令口感更加香滑，撈埋一齊飲入口散發陣陣玫瑰同朱古力香味。
環境、食物、飲品都好正，加埋良心分，我點可以唔比個good你呢~
張貼
