好味王 (已結業)

昨晚同朋友到此,總括而言,待應比較木口木面,加茶時彈到周圍都係,彈到我隻手同件衫,毫無表情地講對唔住,好彩啲水唔熱;食物方面推介骨腩,水餃(不過一些有大量蝦肉,一些一點蝦肉都沒有)及豬腰潤,因贈送之肥牛不是太好吃(太瘦),而朋友喜歡吃肥牛,故另點一碟四星肥牛,但都比較瘦,沙爹湯底愈滾愈咸,食食下仲發現有蚊滋周圍飛,總而言之,食物水準不過不失,員工工作表現尚待改善。