黑樺牛 (已結業)

朋友喺尖沙咀返工，今日特登約咗佢嚟食呢間出晒名靚牛肉嘅黑樺牛A5和牛放題食晏晝！全部都係日本 A5 熊本黑樺和牛！店舖有好多自製嘅冷泡茶飲品同汽水都係任飲，另外自助區除咗醬油配料重有自製沙冰同多款雪糕雪條，而家打邊爐只需每位加108蚊重有埋牡蠣同北海道大元貝就任食🤭湯底方面，佢哋有七款唔同嘅湯底可以選擇，忍唔住點做呢款每日限量嘅北海道豆乳玫瑰芝士湯底 ，真係成朵玫瑰花咁賣相超級靚，不過一水滾就會即刻溶哂，味道非常香甜濃郁，湯滾嘅時候乳狀嘅質地會比較杰身，鐘意食豆乳香嘅必點💕北海道大元貝牡蠣海鮮拼盤 （二人入座送）店員一上桌就會計時蒸焗 10 分鐘，仲會即時幫你剝埋生蠔，因為食材夠新鮮，只係簡單調味，入口已經非常鮮美，鍾意嘅朋友記得加錢點埋任食生蠔🫶🏻黑樺牧場精選層架（入座時送）用三層雀籠架擺滿食物，包括有日本和牛、梅花豚肉、蝦滑同墨魚滑，所有食材都好新鮮賣相都好靚！冬瓜海鮮燉湯，燉湯非常鮮甜入味，而且真係好足料，入面有隻大鮮蝦燉冬瓜湯，清甜消暑又去濕🤭 牛肉類以主打日本熊本任食 A5 和牛完美hold 場！基本上可以食到和牛每一個精選部位，我同朋友點咗幾款品嘗，必試和牛特上霜降小排、肩