相馬日式火鍋 (已結業)

Happy Friday!🥳今日同成班同事放工去左附近既「相馬」食日式火鍋，主要係貪佢坐得舒服，食物又好味，最緊要係價錢唔貴又抵食！🇯🇵日式炸物呢間餐廳嘅炸物好好食，我地嗌左炸墨魚丸，吉列蝦，炸午餐肉，春卷，牛丸等。全部都炸得香脆乾身，入口一啲油膩嘅感覺都冇👍🏻我最鍾意既喺春卷仔，細細條但係入面包住勁多新鮮彈牙嘅蝦肉，外脆內彈！❤️❤️🇯🇵日式串燒今次就點左雞翼，韭菜卷同雞肉串。呢幾款都燒得好出色，外面燒到少少脆口，入面就嫩滑多汁。廚師喺串燒度加咗少少鹽調味，令到串燒嘅味道更加突出，真係食到我哋舔舔脷😋🐑羊腩煲羊肉炆得好腍，非常美味，仲有好多枝竹係上面，兩樣一齊食，口感同味道都非常豐富。🦐海鮮套餐有扇貝，蜆，蝦同鮑魚等。都係用蒸嘅方法去煮，食入口原汁原味！🍗雞腿肉每一舊都大細適中，雞肉超級嫩😋打邊爐同蒸都一樣咁好食！