Bella Shine (已結業)

聽聞最近呢間晚餐做緊折，一個二人餐都係598 幾抵，仲多左120 分鐘半自助餐，可以叫生蠔食。不過人少少，最後都係叫套餐大家Share.餐湯有種印度風味，因為佢有薑絲同南瓜，就咁飲未入個個中意，我自己覺得幾好飲，不得不讚佢個餐包整得簡單但好好食，點餐湯一齊食幾有趣。沙律有藜麥、明太子、蟹肉同桃，蟹肉量唔算太多，但成兜沙律菜都有蟹肉味，而且略帶酸甜好開胃。主菜叫左五成熟既肉眼，果然不出意外都係會煮得熟少少反而岩岩好，如果大家食扒都不妨落五成。肉汁多而且醬汁好惹味，特別佢用左紫薯蓉，所以一齊食會有少少甜味。我地仲叫左吉列蠔冬陰意大利飯，出人意料地比預想中搭，唔會好辣但冬陰功既鮮味好出。