微辣大排檔 (已結業)

睇到同事打咭相好靚，原來係沙田城市廣場第三期嘅微辣大排檔影，今晚叫埋阿女去睇吓！餐廳冰室及大排檔合二為一，內有有多個澳門及香港元素打卡位。餐廳齊集多間米芝蓮美食，由小食、車仔麵、鑊氣小炒都一應俱存。重有生猛游水海鮮，即劏即煮。米酒雞（原味）：一上枱我同阿女都嘩一聲，好大窩！窩內有很多蔥頭蒜頭，還有用荷葉包住嘅雞，侍應首先將米酒點火，之後倒入窩內，窩內立即燃亮火光，一殺那，待酒精散去就熄滅，換來的是香氣撲鼻而來，打開荷葉是一隻雞，將雞切開，雞肚內滿是金針雲耳，雞和配料吸收晒酒香，有濃郁的酒香味，雞肉嫩滑入味，金針雲耳爽口。冰鎮素咕嚕肉：咕嚕肉比真肉還好食，皮脆肉鬆化，加上酸酸甜甜嘅醬汁，越食越開胃，用冰底墊住上檯，散出陣陣煙霧，真的色香味俱全！Yelo 咖喱大雜燴：用砂鍋上菜，仲加左個 爐熱住食，大雜燴有豬皮、魚旦、魷魚、蘿白，咖喱醬汁香噴噴，每一件材料都好入味，豬皮和魚旦彈牙，蘿白林甜。北角雪糕格仔餅3.6牛奶草莓，份量十足，格仔餅蛋味濃，草莓和草莓醬酸酸甜甜，配香甜嘅雲呢拿雪糕，好好味！