影片
更多
2023-02-20
21 瀏覽
💁♀️💁♂️18/2/2023(Sat), Lunch🍽上環荷里活道附近都有唔少特色既小店，今日為食妙妙💁♀️同A先生💁遊車河遊到黎呢間差館上街既人氣cafe小店@paintable_cafe，一入門口就被店內牆壁上面既插畫吸引住，不停咁影相📸️打卡🤩🤩🤩。其實唔只插畫，呢度既食物都好有質素，同樣都係靚到值得去打卡😍。而今日我地order咗：🔆 炸雞軟骨（$88）雞軟骨加上炸漿去炸，入口香脆而不油膩，食完望返張墊底既紙都無多餘既油份。呢個雞軟骨點少少伴碟既沙律醬，A先生一粒接一粒咁食唔停口😍😍😍。🔆 蒜香蝦鯷魚扁意粉🍝（$128）見到店家有呢個鯷魚意粉🍝，喺cafe嚟講都唔係咁常見，所以點咗一碟嚟試吓。扁意粉煮既時間剛好，絕對係al dente既口感，配合蒜片同少少鯷魚同埋乾辣椒🌶️，鯷魚既鹹香味道混合咗喺意粉入面，再加上乾辣椒🌶️既微辣味道，入口唔會太濃太搶味。鯷魚既少少鹹香有個提味既作用，配合蒜香🧄既味道，再加上三隻煎得香口彈牙既大蝦🦐，整個意粉🍝都好好食😋😋。🔆 棉花糖牛角包窩夫配雪糕（$78）近年興起既croffles牛角包🥐窩夫🧇，集合兩者既特點，，但又唔係間間做得好食。呢度既cr
💁♀️💁♂️18/2/2023(Sat), Lunch🍽
上環荷里活道附近都有唔少特色既小店，今日為食妙妙💁♀️同A先生💁遊車河遊到黎呢間差館上街既人氣cafe小店@paintable_cafe，一入門口就被店內牆壁上面既插畫吸引住，不停咁影相📸️打卡🤩🤩🤩。其實唔只插畫，呢度既食物都好有質素，同樣都係靚到值得去打卡😍。
而今日我地order咗：
🔆 炸雞軟骨（$88）
雞軟骨加上炸漿去炸，入口香脆而不油膩，食完望返張墊底既紙都無多餘既油份。呢個雞軟骨點少少伴碟既沙律醬，A先生一粒接一粒咁食唔停口😍😍😍。
🔆 蒜香蝦鯷魚扁意粉🍝（$128）
見到店家有呢個鯷魚意粉🍝，喺cafe嚟講都唔係咁常見，所以點咗一碟嚟試吓。扁意粉煮既時間剛好，絕對係al dente既口感，配合蒜片同少少鯷魚同埋乾辣椒🌶️，鯷魚既鹹香味道混合咗喺意粉入面，再加上乾辣椒🌶️既微辣味道，入口唔會太濃太搶味。鯷魚既少少鹹香有個提味既作用，配合蒜香🧄既味道，再加上三隻煎得香口彈牙既大蝦🦐，整個意粉🍝都好好食😋😋。
🔆 棉花糖牛角包窩夫配雪糕（$78）
近年興起既croffles牛角包🥐窩夫🧇，集合兩者既特點，，但又唔係間間做得好食。呢度既croffles烘得外皮夠脆，切開之後內裡就有煙煙韌韌既牛角包口感，加上豐富既牛油香氣，趁熱配合雪糕嚟食，一冷一熱咁配合係好食既。配料方面我地選擇咗棉花糖，五顏六色既棉花糖加上croffles同cream、雪糕，打卡一流👍🏻。
🔆 Passion Fruit Soda（$58）
熱情果梳打除咗杯入面既熱情果，仲有四分一隻熱情果做裝飾，濃濃既熱情果味道，既開胃又清新。
🔆 玫瑰花🌹茶（$48）
充滿住玫瑰🌹既香氣，有小蠟燭🕯️暖住個茶壺🫖，可以保持溫度，慢慢邊食邊傾計都唔怕茶會凍咗。🌹玫瑰花既香氣可以令人心情舒暢仲有美顏既功效❤，而且花茶入口好舒服👍❤，可以將心情放輕鬆😌😌。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
❤🙆♀️(為食妙妙)整體食評：❤❤❤❤❤(5/5)
👉🏻 寵物友善餐廳，可以帶埋主子一齊食下野打下咭，齊齊chill下
👉🏻 店內同店外半露天既位置都有本地藝術🎨家既插畫，打卡📸一流
👉🏻 唔止裝飾夠靚，而且食物都好好食，睇得又食得
🔆🔆🔆🔆🔆🔆🔆🔆🔆🔆🔆🔆🔆
張貼
