8 RECIPES (已結業)

喺東大街開咗一段時間但係都係第一次食，喺筲箕灣來講價位偏中上，下午茶餐60蚊。主要有沙律，意粉，同西多揀。下午茶餐唔使加錢可以飲咖啡，叫咗一杯Cappuccino，一杯焦糖咖啡，依度啲咖啡冇拉花的，上面係奶泡，咖啡味唔算香，冇話偏fruity/nutty，一般餐廳咖啡水準。叫咗一份肉醬意粉，港式煮法，意粉偏腍，醬汁冇收乾，無好香番茄味，下午茶來講份量算多。西多餐因為冇晒雞翼，所以轉咗條腸仔，西多新鮮炸，入邊好多花生醬，係煉奶唔係糖漿，仲有個沙律，不過唔係話特別好食。總括而言，裝修幾靚，座位寬闊，有打卡位，食物質素為港式西餐，唔算特別好食，價位偏高。